《一个希古恩就能解决攻力疲弱问题?沙利你未免太天真了》

浏览量:135 2020-05-27 点赞:992

-请支持蓝狮 Facebook专页-《原创文章 欢迎转载 请列明出处 谢谢》《一个希古恩就能解决攻力疲弱问题?沙利你未免太天真了》 图片来源 .图片来源 : Talk Chelsea法比加斯嘅离开,可以话将全队唯一一个善于创造机会嘅中场都卖走了,虽然西班牙人今季喺沙利手中得到嘅上阵机会寥寥可数,但惜日欧洲助攻王嘅离开亦令唔少球迷感到婉惜。随之而来就係一连串嘅收购目标新闻,当中当然不缺乏近哩两个转会窗嘅老常客希古恩嘅消息,但一个希古恩就能够将车路士锋线疲弱嘅问题解决得到?沙利会唔会过份将问题睇得太过轻易。其实由沙利上任果刻开始,都经已传出佢向蓝军高层提出除左要收购旧部佐真奴之外,更要将希古恩带到伦敦,可惜因为种种原因,最终球员选择以外借身份留喺意大利加盟AC米兰,而希古恩自己亦都有喺当时表示史丹福桥就只有沙利一人欢迎佢,可见得球员清楚了解得到自己嘅处境。经历左半季过后,双方情况亦有转变,希古恩在米兰屈屈不得志,而莫拉达亦交唔出合乎沙利对中锋嘅表现,令外界开始重燃对哩单转会嘅炒作。论个人能力,希古恩喺中锋哩个位置上嘅能力其实算得上相当全面,虽然球迷往往着眼于佢喺国家队时嘅失準表现,只不过纵横左喺意甲联赛咁多年阿根廷人都交出相当稳定嘅入球量,当然身形上亦大有可以改善嘅地方。但係希古恩其实都係一个相当依赖队友去製造机会嘅射手,过往喺拿坡里同祖云达斯年代身边都有唔少同时具备攻击质素以及创造力嘅球员,但今季一去到一队完全缺乏创造力及进攻板斧嘅AC米兰之下,曾经喺意甲独当一面嘅射手亦显得相当力不从心。虽然车路士中场质素尚算比起AC米兰优厚,但论创造能力上其实都只係叫做稍稍佔优,沙利过份要求简迪向前参与进攻,而夏萨特及韦利安亦经常缺少拉边多走入中路,引致对手禁区位置经常「大塞车」,虽然莫拉达自己又真係唔争气,但车路士攻力疲弱哩个问题真係并非换一个中锋就能够解决得到,沙利喺战术上嘅失衡、一意孤行嘅赌博式进攻以及缺乏变化嘅节奏先可以话係问题嘅根源,而佢一直用球员未熟练战术嘅本身为由亦都只係时间上嘅拖延,意大利人心目中嘅盘算可能係希望等待自己心仪嘅球员来临。而希古恩都经已三十有一,就算真係仲有货卖亦都唔会係长时间,到时又要搵人接货係赚定蚀相信球会亦都好清楚,与其继续喺佢身上拉锯,倒不如实实在在地喺中场入手,睇下有边啲目标球员能够解决到创造力等问题,同时沙利亦理应疏理番好个进攻模式,正所谓远水不能救近火,收购一名喺夏季先黎到嘅普利锡都经已令球迷摸不着头脑。如果今个转会窗唔作出相应对策的话,下一支跌出前四嘅球队都几肯定非车路士莫属。文章最后更新时间 : 15/1/2019 13:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

图文推荐